قصيدة جحا
شــــــعور ســـخيف إنك تحس بإن وطنك شيء ضعيف
صــــــــوتك ضــــــعيف رأيــــــك ضـــــعيف
إنك تبيع قلبك وجسمك وإنك تبيــــع قلمك وإسمك
مــــــا يجيبــــــوش حــــــق الـــــــرغيف
ســـألوا جحا عن سر ضحكه قالك أصل اتنين وشبكو
اللـــى كان من تحت ميت واللى كان من فوق كفيف
دا شعور سخيف وشعور سخيف إنك تكون رمز الشحاتة
تبنــــى مبنى للشـــحاتة تعمل وزراة للشـحاتة
يـــــا ســــــاقية دورى, عدى فوقـــى ودوسـى
نصبـــــــوا عليــــــا وشـــــحتونى فلوســى
ربطونــــى فيكــــى .. حتـــــى مــا اتغميـت
همــــــا اللـــى فرحـــوا ووحدى أنا اتغميـت
أنا اللى صاحب البيت عايــــش بـــــدون لازمـة
ولمـــــا مــــرة شــــكيت إدونــــى بالجزمة
أنا اللــى زارعــك دهب بتأكلينــــى ســــباخ
إن كـــان دة تقــــل ودلـــع بزيادة دلعك باخ
لا شفت فيكــــــى هنـــــا ولا شـــفت فيكى ترف
كــــــل اللـــــى فيكــــــــى قـــــــــرف
كرامتنا متهانــــــة واللقمـــــة بإهانــــة
بتخــلفينـــــا ليــــه لما انتى كارهانــــا
يعنى ايه تبقى إنتى هبة النيـــــل يا مــــزة
وكل يـــــــــــوم الميــــــــة تقطـــــــع
يعنى ايه لما اشـــــــــتكى غلو الفاتــــورة
يقولــــــــوا تشـــــــــكي بـــــس تـــدفع
لمــــا قـــش الـــرز ثـــــروة بتتحــــــرق
وأمــــا نفــــط الأمــــة ثــــروة بتتســـرق
وأمــــا جلادك علــــــى ولادك بيبطــــــــــش
وأمــــا علمـــــك ما يلاقيــش يآكـل فيطفـــش
يعنى ايه نرفع ايدينا بالسلام لجــل الغــــزاة
ويعنى ايه لما ابقى ماشى فى حالى اتشد اشـتباه
يعنى ايه لما اتحبـس أربع سنين حبــس احتيـاطى
يعنـــى ايـه مـش حاســـة بالعمـــر وغلاوتـــه
بتصبى مرالعمر ليه,دة انا كنت ح اوهب لك حلاوته
أنـــا عمــري ما أتـأمـرت ولا حطيــت شـــروطي
ومكــــان مــا ترســـى مركــبك بابنى شــطوطي
أنا كنــت جيشـــك لمـــا ممـــاليلك بــاعوكي
وكنـــت يوســـف لما عشـــتى ســنين عجـــــاف
وضـــلوعى دي اللـــي فى معركــة قــادش حموكى
وشــــفايفى دى اللى ما بطلتش فى يــــوم هتاف
دة انـــا كل شــــبر فى أرضـــك اتمرمغـت فيه
وكل يـــــوم عشــــتيه أنــــا اتغذبـــت بيه
علا صــــوت أدانــــك جـــرس فى الشدة صاحينلك
من امتـــــى كانـــوا الحرس هما اللى باقينلك
بعتينـــــى علشــــــانهم وعنيـكى معصــــوبة
ياهل تــــرى خاينـــــة والا زيي مغصــــــوبة
علمونـــــــا بالعصاية ورضعــونا الخوف رضاعة
علمونا فى المـــدارس يعنى ايـــــه كلمة قيام
علمونا نخاف من الناظر فيتمنـــــع الكـــــلام
علمونـــــــا ازاى نخــــــاف وازاى نكـــــش
بس نســـــيوا يعلمونــــــا الاحتـــــــــرام
فمتزعلـــــوش لما ابقى مش باســــمع كلامكـــم
وماتزعلــــوش لما ابقى خـــــــارج عن النظام
مســـــتنى ايــــه من طفــــل ربــوه بالزعاق
غيـــــــــر المشـــــــاكل والخنـــــــــاق
كـــــل اللى بيقـــــولك بحبـــك دول نفـــاق
أنا لمـــــا قلت لك بحبــــــك كان نفـــــاق
الحـــــــب يعنـــــى اتيــــــن بيــــــدوا
مـــــش ايــــد بتبنـــي وستميت تيت تيت يهدو
الحــــــب حالة, الحـــــب مش شــــعر وقوالة
الحب يعنــى براح فى قلب العاشــقين للمعشوقين
يعنى الغلابــــــة ينامـــوا فى الليل دفيانين
الحــــــب يعنــــــى جواب لكــــل المسجونين
همـــــــا ليـــــــه بقــــــوا مســــجونين
يعنـــــى أعيــــش علشــــان هدف علشان رسالة
يعنى احـــس بقيمتى فيكى إنى مـــش عايش عوالة
يعنـــــى لما اعــــرق تكافئيـــى بعدالــــة
الحــــب حالة, الحـــــب مش شــــــعر وقوالة
الحــــب حاجــــة ما تتوجــــــدش فى وسط ناس
بتجيــــب غـــداها من صنـــــاديق الزبالـــة
بـــــارت مراعينــــــا والبئــــــــر قد جفَ
والجـــــوع يكوينــــــا والصــــــبر ما كّفى
والقلــــــب لا يهــــــدا والجـــــرح لا يشفى
ولأننــــا طــــوع, زنـــــا لهـــــم خفــــا
جاءوا بموكبهـــــــم واشــــــتغلت الزفــــة
الدفــــــة مظبوطـــــة وأصــــــلا مافيش دفة
والكفــــــة مش مايلـــــة علشــان مافيش كفة
وجحـــا اللى جاى بالليل لســــــــاه بيتخفـى
شـــــــايف ديــــدان الغيط سارحة ومارحماشـى
من جبنــــــه شـــــاف الدود سابه وراح ماشـى
ولا اتكســــــف للناس, ولا حـــــــس على طولـه
النـــــاس عشــــــــمها كبير جريوا بيشكولـه
ضحك جحا ضحكة مواشى,مادام بعيد عن طينـى ماشـى
الـــــدود قــــاعد لك يا جحا ولا بد فى طينـك
بعد ما يمص فى دمـــانا مـــش حيحلاله الا طينـك
احنـــــا اهــــلك, احنا رجالتـــــك, أمانـك
إحنـــــا وقت الشـــــدة ســـندك, إحنـا زادك
يا جحـــــا احمى ولادك لو كنت عايز تحمـى طينك
ســــــوف أرحل, ربمـــا يلقانى من ارجو لقـاه
هامشـــــــــي ويــــــا الشــــــــــحاتيـن
وابكـــــــي على حلمـــــــي اللــــــي تـاه
بــــــس مش هاشـــــحت رغيف... هاشـحت وطـن لله
الشاعر هشام الجخ
ليست هناك تعليقات:
إرسال تعليق