مقصوده الصور بتكدب يا جماعة

 

  

Dina Hassan Kassem ‏١١ نوفمبر‏، الساعة ‏١١:٠٠ م‏ · , 

مقصوده الصور بتكدب يا جماعة فيا ريت كل واحد يخليه في حاله وميحسدش حد علي صوره🙏🙏 لان بيوت مقفوله وكل حد عنده مشاكل بس فيه ناس مش بترضي تحكي .. فاللى حاطت صورته و هو فاتح شركة جديدة و الناس بتبارك وتهني وبتحسد كمان ميعرفوش ان الشخص واخد قرض و بيحط ايده علي قلبه كل شهر هيسدد ازاي لو الشركة مشتغلتش....بس اهو لازم يحاول يفتح مصدر رزق... واللي متصور برا مصر او في الساحل او في الجونه 😀😂باين انه مقضيها...اتصدم في اقرب الناس لية بطريقه بشعه او ليه حد عزيز عليه مريض او فقد حد عزيز عليه من قريب.... واهو بيتصور عشان يحس انه لسة بخير وده يديله طاقه ايجابيه فيقدر يكمل صعوبه الحياه ويسند نفسه و ال حوليه برغم كل الدمار اللي حصل ليه... الصور بتكدب...الصور الحلوة هي طريقة بتحاول الناس تثبت بيها للناس و لنفسهم قبل اي حد انهم لسة كويسين...انهم لسة عايشين....ان الناس بتعمل لهم لايك علي صورهم وعلي حياتهم اللي للحظة بتبان كويسة و حلوة لما الناس تقول لهم شكلكم حلو.... فبالتالي الصور مش مبرر اننا نحسد حد ولا مبرر ابدا اننا نندب حظنا علي حياتنا اللي بنتصور انها اكيد اوحش من حياة الناس اللي يتتصور صور حلوة دي ولا مبرر اننا نتنافس في اننا نعلي علي بعض في حلاوة الصور او نستخف بهموم ومشاكل ومرض الناس،فكل ما الضحك والابتسامه زادت فهي بتداري وراها وجع او جرح كبير،فسيبوا ناس في حالها من فضلكم ... عشان في الاخر محدش عارف ايه اللي ورا أبواب البيوت المقفلة غير اصحاب البيوت نفسهم....